Një tjetër vit i jashtëzakonshëm ka kaluar që kur ne hapëm zyrtarisht dyert e ambienteve tona moderne në kompleksin e ri të quajtur “Rezidenca Ivanaj”, i ndërtuar në qendër të Tiranës në të njëjtin truall që i përkiste vëllezërve Ivanaj që nga vitet 1930.

Fondacionet Ivanaj të New York-ut dhe Tiranës kanë funksionuar në të dy anët e Atlantikut që nga fillimi i tyre në 1995-1996. Kjo ndodhi pasi Shqipëria më në fund doli në sipërfaqe nga izolimi i formësuar nga diktatura komuniste e cila, pas përfundimit të Luftës së Dytë Botërore, sundoi vendin për më shumë se gjysmë shekulli. U deshën dy dekada më vonë për të rifituar dhe përdorur pronat origjinale në kryeqytet dhe për të qenë në gjendje të ndajmë një pjesë të ndërtesës së re, ku tani ne vazhdojmë pa pushim misionin tonë dhe realizojmë qëllimet tona arsimore dhe kulturore të përqendruara në përfitimin sidomos të brezave të rinj shqiptarë.

Të shumta dhe të ndryshme janë llojet e aktiviteteve dhe projekteve me të cilat ne trajtojmë, të cilat zhvillohen brenda ambienteve tona por edhe më tej, jashtë Tiranës dhe përtej kufijve të Shqipërisë. Disa prej tyre nuk arrihen lehtësisht për shkak të një sërë pengesash jashtë kontrollit tonë, të cilat janë të bazuara në praktikat e vjetra vendase, shërbimet e papërshtatshme, aftësitë dhe direktivat e dobëta organizative dhe mungesa e trajnimit nëpër biznese dhe sisteme të ndryshme.

Këto sfida i bëjnë edhe më kuptimplote sipërmarrjet tona të planifikuara! Falë metodologjisë sonë të punës dhe përvojës së fituar pas dekadash arritjesh të suksesshme në SHBA, ne mund të kapërcejmë vështirësitë dhe të prodhojmë rezultate efektive. Tipari më i rëndësishëm është mënyra jonë transparente e funksionimit dhe menaxhimit të programeve dhe projekteve të të gjitha llojeve. Kjo qasje e freskët dhe e qartë po ndikon pozitivisht në të gjitha marrëdhëniet tona në vend, qofshin me biznese, klientë, bashkëpunëtorë apo miq.

Krijimi i organizatave tona, nisur fillimisht nga organizatorja me ndihmën e shërbimeve falas, gjeti mbështetje financiare falë donacioneve private nga miqtë dhe bashkëkombës në diasporë, të cilët besuan në objektivat tona dhe kontributet e tyre në mënyrë sporadike vazhduan të rrjedhin gjatë gjithë viteve të kaluara. Tashmë përdorimi i ambienteve tona fizike për biznesin lejon gjithashtu që veprimtaritë tona të rrisin sektorin e shërbimeve dhe shpresojmë të zgjerojmë planet dhe programet tona në fushën e arsimit dhe kulturës shqiptare.

Ne ecim përpara, duke pritur me padurim rezultate pozitive dhe të dobishme në këto fusha për të ofruar udhëzime dhe trajnime progresive për të rinjtë e Shqipërisë, në mënyrë që ata të mund të krijojnë pritshmërinë për një të ardhme më të mirë brenda vendit të tyre!

Kontributet në përpjekjet tona janë të mirëseardhura në çdo kohë dhe janë vetëm një klikim larg.