Gratë për gratë

Objektivi i projektit:

Të ndihmojmë financiarisht disa gra, biznesi i vogël i të cilave u prek negativisht nga tërmeti, për të filluar/rikuperuar/rritur aktivitetet e tyre.

Kohëzgjatja: 12 muaj (2020-21)

Përshkrim:

Zona e synuar e këtij projekti janë qytetet më të prekura nga tërmeti në Shqipërinë qendrore. Grupi i synuar dhe përfituesit e këtij projekti janë gratë pronare të bizneseve të vogla të dëmtuara/shkatërruara nga tërmeti, të cilat do të ndihmohen në rimëkëmbjen e tyre.

Pas një identifikimi fillestar të subjekteve të tilla që janë prekur nga tërmeti dhe vlerësimit të nevojave të tyre, përmes një procesi me thirrje të hapur, gratë nga grupi i synuar do të jenë në gjendje të aplikojnë për mbështetjen e siguruar nga ky projekt.

Aplikantët e përzgjedhur do të ndjekin trajnime mbi çështjet financiare dhe ligjore që kanë të bëjnë me pozicionet e tyre dhe do të jenë përfitues të mbështetjes financiare që do t'i ndihmojë ato të fillojnë/rimëkëmbin/rritin bizneset e tyre.

Ky projekt mbështetet nga kontributet financiare të mbledhura nga Gratë Shqiptaro-Amerikane në Washington DC, përmes Valbin's Center for International Programs (CIP) dhe zbatohet nga ‘The Ivanaj Foundations of New York and Tirana’.

Objektivi i projektit:

Dhënia e ndihmës psikologjike ndaj prindërve dhe fëmijëve të shkollave të shkatërruara për t'u rikuperuar nga humbjet dhe traumat nga tërmeti.

Kohëzgjatja: 12 muaj (2020-21)

Përshkrim:

Zonat e synuara të këtij projekti do të jenë ato në të cilat shkollat janë shkatërruar nga tërmeti, dhe brenda tyre grupi i synuar do të jenë fëmijët dhe nënat më të prekura nga ai.

Aktivitetet në lidhje me këtë projekt janë: (i) Identifikimi i nënave dhe fëmijëve të prekur nga trauma nga tërmeti; (ii) Përzgjedhja e nënave dhe fëmijëve që do të përfshihen; (iii) Përgatitja e moduleve të trajnimit dhe udhëzuesit; (iv) Seanca trajnimi dhe këshillimi; (v) Vlerësimi i rezultateve të trajnimit; (vi) Edukimi dhe këshillimi i nënave dhe fëmijëve të përfshirë.

Ky projekt mbështetet nga kontributet financiare të mbledhura nga Gratë Shqiptaro-Amerikane në Washington DC, përmes Valbin's Center for International Programs (CIP) dhe zbatohet nga ‘The Ivanaj Foundations of New York and Tirana’.

Objektivi i projektit:

Dhënia e ndihmës ndaj një numri fëmijësh dhe të rinjsh të prekur nga tërmeti për të vazhduar studimet ose për të fituar aftësi të reja profesionale.

Kohëzgjatja: 12 muaj (2020-21)

Përshkrim:

Synimi i këtij projekti është të përfitojnë një numër i paracaktuar fëmijësh dhe të rinjsh nga familjet e prekura më rëndë nga tërmeti. Ata mund të jenë prekur duke humbur shtëpinë e tyre, një anëtar të familjes, ose punën e një anëtari kyç të familjes.

Projekti parashikohet të zbatohet në tre faza. Gjatë fazës së parë, këta fëmijë/të rinj do të identifikohen dhe nevojat e tyre do të vlerësohen. Gjatë fazës së dytë, do të bëhet përzgjedhja e kandidatëve të interesuar. Në fazën e fundit, 10 studentë në universitet do të marrin ndihmë financiare për të ndjekur studimet e tyre, dhe 7 të rinj do të mbështeten financiarisht për të ndjekur kurse të formimit profesional që do t'u sigurojnë atyre aftësi të vlefshme profesionale.

Ky projekt mbështetet nga kontributet financiare të mbledhura nga Gratë Shqiptaro-Amerikane në Washington DC, përmes Valbin's Center for International Programs (CIP) dhe zbatohet nga ‘The Ivanaj Foundations of New York and Tirana’.