Panairi i librit shqiptar në Tiranë sapo përmbylli ekspozitën e tij vjetore madhështore me publikime të të gjitha llojeve në Pallatin e Kongreseve fundjavën e kaluar. Ky rast na shtyn të përmendim disa elemente të lidhura ngushtë me këtë temë, të cilat kemi dëshirë t’i ndajmë me lexuesit dhe mbështetësit tanë.

Biblioteka e Institutit të Fondacionit M. & M. Ivanaj në Tiranë vazhdon të zgjerohet falë kontributeve të çmuara nga bashkëpunëtorë dhe miq. Libra me tematikave të të gjitha llojeve që mbërrijnë pranë nesh në kohë dhe raste të ndryshme, regjistrohen me kujdes nën përgjegjësinë e Arkivistes sonë. Ashtu si të tjerët, tre nga botimet më të fundit të paraqitura këtu, iu dhuruan Presidentes tonë gjatë kësaj jave.

Një aktivitet tjetër që lidhet me koleksionimin e librave për qëllime të tjera realizohet nga Fondacioni ynë, i cili, në vend që të marrë, angazhohet në mënyrë aktive për t’i dhuruar komunitetit nëpërmjet iniciativave të ndryshme. Një iniciativë e veçantë është projekti ynë Vjetor i Dhuratave të Festave, gjatë së cilit sigurojmë libra për fëmijët në nevojë, falë financimeve bujare të miqve dhe mbështetësve tanë që forcojnë angazhimin tonë për edukim dhe ndikim shoqëror. Jemi mirënjohës dhe vazhdojmë të mbështetemi në këto dhurime!

Gjithashtu, Klubi i Librit Ivanaj, i cili është një entitet që përdor bibliotekën tonë dy herë në muaj për të diskutuar libra sipas zgjedhjes së tyre dhe herë pas here fton autorë të ndryshëm për kënaqësinë e anëtarëve të tij, është një partner ndihmës në realizimin e qëllimeve të ngjashme dhe të përbashkëta.