Vera: Erdhi koha për të reflektuar!

By | 2021-08-19T09:09:21+01:00 18 Gusht, 2021|Blogu|0 Comments

Duket sikur e gjithë bota është me pushime, por disa prej nesh, prapa dyerve të mbyllura, po përfitojnë nga kjo qetësi për të punuar dhe për të zhvilluar ide të reja që mbetën të pezulluara që nga fillimi i vitit, si dhe për të riorganizuar dokumentet dhe të dhënat, duke mos harruar edhe kërkimet për materiale të reja për të ndihmuar ndërveprimin dhe realizimin e punës dhe planeve tona për muajt në vazhdim.

Vera nuk është vetëm një kohë për të pushuar nga jeta frenetike e ditëve të sotme, por është edhe sezoni që gjithashtu ofron mundësinë për të bërë gjithçka me një ritëm më të ngadaltë dhe duke u qetësuar dhe duke mbledhur energji të reja për të përballuar pjesën tjetër të vitit.

Në mënyrë të befasishme, kjo verë na dhuroi edhe disa surpriza të papritura, si ajo e kësaj jave, gjatë së cilës kemi marrë një sërë donacionesh 'Anonime' që na u shfaqën në horizontin tonë si mbështetje në këto kohëra pasigurie.

FALEMINDERIT të gjithë donatorëve tanë për mbështetjen dhe bashkëpunimin drejt realizimit të misionit tonë! Ju na e keni shtuar akoma më shumë energjinë dhe na keni siguruar një bazë të mirë për të hedhur hapat e para drejt realizimit të disa planeve të mëtejshme. Ne do të vazhdojmë punën tonë dhe do t'ju mbajmë të informuar. Kalofshi një verë të mrekullueshme dhe të shëndetshme!

About the Author:

Ms. Ivanaj is the founder and President of The Martin and Mirash Ivanaj Foundation in New York, and the M. & M. Ivanaj Foundation Institute in Tirana (Albania)
X