Distancimi social nuk i ndal aktivitetet tona bamirëse

Ndihma e M&M Ivanaj Foundations of New York & Tirana ndaj grupeve vulnerabël vazhdon edhe gjatë krizës së COVID-19.

Përveç humbjes së shtëpive prej tërmetit të nëntorit 2019, shumë familje janë duke vuajtuar izolimin dhe mungesën e të ardhurave të shkaktuar nga pandemia e koronavirusit.

Fondacionet tona kanë një histori të gjatë aktivitetesh bamirësie, duke filluar shumë vite më parë, që nga kontributi i dhënë gjatë konflikteve të armatosura në rajon, ndihmat për fëmijët gjatë festave të fundivitit, aktivizimi social i të moshuarve, etj. Prej disa muajsh, ne kemi ndërmarrë nisma për tu ardhur në ndihmë familjeve të prekuara nga tërmeti i vitit të kaluar.

Gjatë vizitave jashtë kryeqytetit dhe në zona rurale, është e vështirë të mos dallosh dëshpërimin në sytë e anëtarëve të këtyre familjeve që prej rreth 7 muajsh jetojnë në tendë. Në ato rrethana, shprehja “Lani duart!” kthehet në një mision.

Kështu, falë zotimit të kontributeve financiare nga disa miq të përtej oqeanit u hodhëm në veprim.

Për të filluar, një plan i veçantë dhe i shpejtë u përgatit nga ekipi ynë pas dyerve të mbyllura, fillimisht, duke punuar nga shtëpia, për shkak të rregullave shumë të rrepta të qeverisë. Rezultati i asaj që ne emërtuam një "shpërndarje e pakove të përkujdesjes" u realizua të premten e kaluar, kur arritëm fizikisht me furnizimet tona 20 familje tmerrësisht në nevojë. Më shumë detaje dhe fotografi janë në dispozicion këtu dhe një video do të postohet së shpejti në YouTube.

Më shumë planifikim dhe mbulim janë në punë e sipër, dhe ne do t'i postojmë ato në kohën e duhur. Prandaj, ne ju ftojmë të na ndiqni dhe të kontribuoni në përpjekjet tona kur të keni mundësi. Shumë mund të bëhet jo vetëm për qëllime bamirësie, por për të rritur arsimimin dhe kulturën e popullit shqiptar brenda vendit të tyre.

Ky donacion u mundësua prej kombinimit të kontributit financiar të mbledhur nga Gratë Shqiptaro Amerikane në Washington DC, përmes Valbin's Center for International Programs (CIP), dhe prej Fondacioneve M & M Ivanaj në New York & Tiranë dhe vullnetarëve të Fondacionit në Tiranë.

Ne gjithashtu falënderojmë stafin dhe vullnetarët e M & M Ivanaj Foundation Institut në Tiranë për përkushtimin dhe punën e shkëlqyer të bërë!

By | 2020-05-19T11:59:26+01:00 19 Maj, 2020|Blogu|0 Comments

About the Author:

X